BDB Bertsolaritzaren datu-basea

General information

Kategoria

Bat-batekoa

Performance

2022-08-03 Etxarri-Aranatz Jaialdia

Conductor

Arratibel, Monika

Bertsolaris / Authors

Iguaran, Oihana

Zubeldia, Iker

Exercise

Binaka gaia-emanda

Proposed topic

Ur gutxi dagoela eta Etxarri-Aranatzeko Udalak duela aste batzuk ohar bat zabaldu zuen herrian. Bertan eskatzen zitzaigun herritarroi argi ibiltzeko ur kontsumoarekin. Zuk, Iker, muturreko erabakia hartu duzu: euria egin bitartean ez zara dutxatuko. Kalera irten zara eta hor ikusi duzu Oihana bere autoa garbitzen.

Description

Melody

Gizona da zoroa

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2022-08-03 Etxarri-Aranatz Jaialdia [Bertsoa] / Oihana Iguaran, Iker Zubeldia

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

I. Zubeldia
Lehorteak izan du
bere eragina
ta horregatik daukat
marroia jardina.
Kotxea garbituaz
neska pinpirina
hartu du erabaki
nahikoa zikina. (bis)

O. Iguaran
Kotxeak lokaztuta
zeuzkan hiru bazter
ta luzitzeko denez
garbitu nahi laster
eskuina garbi dauka
falta goi ta ezker
sakrifikatu diren
herritarrei esker. (bis)

I. Zubeldia
Kotxearen brillua
nahi du nabarmendu
arren zure begiak
mendira zuzendu
abeltzainak orain’e
erdia galtzen du
zure kontzientzia
zeinek garbitzen du? (bis)

O. Iguaran
Mendia lehortua
omen da jadanik
ta nik jardina berde
berde det oraindik
behor ta behiak goian
nahiz ta ikusi nik
ez nuen uste bertan
bizi ohi ziranik. (bis)

I. Zubeldia
Udalak eman zigun
diskursoa sorta
ta zuk harrika dezu
mangeratik bota
eman besarkada bat
ezin det gorrota
jun dan hogei eunean
dutxau‘be nago ta. (bis)

O. Iguaran
Ez dakit igurtzirik
badezun zapia
baino a ze usaia
honaino ebakia
ur falta igual leike
arrazoi zatia
udalak jarri dizu
zuri aitzakia. (bis)