Bertsos - View details To know more about this section
2023-11-18 Santurtzi Txapelketa [Bertsoa] / Mikel Goiriena, Jone Uria Albizuri
| Bertsoa entzun |
2023-11-18 Santurtzi Txapelketa [Bertsoa] / Mikel Goiriena, Jone Uria Albizuri
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
M. Goiriena
Berez gaitasunak baditugu
ta horrexegaitik artista
sartu ginen aspaldian, Jone
ta baditugu bi diska
esaten duzu ezin dugula
holan jarraitu erdizka
ikusten denez ezin jarraitu
zabiltza orain nire pista
J. Uria
Zuri oraindik antza ez zaizu
eta dena bihurtu ke
ni nahi ez dudan zenbait gauzatan
ibili naiz zenbait urte
EiTBra joan gero lortzeko
behar adina entzute
nire burua saltzen ari naiz
bizirautearen truke.
M. Goiriena
EiTBtik deitu zizuten ta
zure burua nahastu
diru beharrez ibiltzen gara
badugu hainbeste gastu
baina bide hau aukeratuta
orain ezin da hautatu
soluzino erreza daukagu
Jone, erdia gastatu.
J. Uria
Baina mundura etorri ziren
lehenik Oihan gero Unai
eta erdia ezin gastatu
nahiz eta nik horrela nahi
izan ninteke literatura
gogoz irakasteko gai
nire patrikak eskertuko du
eta hezkuntzak ere bai.
M. Goiriena
Seme-alabak etorri ziren
mundura holako baten
eta nahiz eta musikan dugun
oraindik hainbat ekarpen
urteetan hortxe ibili gara
mantra berdina esaten
badakigu musikak Euskadin
ez du dirurik ematen.
J. Uria
Ez du dirurik ematen baina
hala dugu aukeratzen
zure aukera izan zen noizbait
nire lehenengo aukera zen
baina aldatzea zilegi da ta
maiz onena da suertatzen
animo eta ia ez zaizun
niri bezala gertatzen.