Bertsos - View details To know more about this section
2023-11-25 Lemoa Txapelketa [Bertsoa] / Oihana Bartra
| Bertsoa entzun |
2023-11-25 Lemoa Txapelketa [Bertsoa] / Oihana Bartra
Stanza name:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Localization:
XDZ - Xenpelar Dokumentazio Zentroa
Bastante normala omen da
nire bizitzeko era
etxean gaude aita, ama
ta nola ez nire neba
normaltasunan azpian
antsietatea topera
horrek jartzen dit askotan
nire bizitzan barrera
aspaldi honetan nago
ni bereziki artega
eta ia egunero
goizeko laurak aldera (bis)
frigorifikora noa
txokolatea jatera.
Aurrekoan esan nuen:
“Gustoko daukat Nutella”
Baina aspaldi bihurtu da
niretzat kriston tunela
gero autogorrotoa
eta zigorra krudela
jan barik egun oso bat
aguantatuko nukeela
baina ustez gizartean
hau komeni da horrela
ta jenteak esaten dit
erdi piropo bezela (bis)
aspaldion argalago
ta guapago nagoela.
Aspaldi hontan estuago
igertzen dut nire soka
txokolatea ezkutuan
ta eztarria itota
gero nire buruari
a ze nolako boikota
nire haragitan berriz
senti dezaket porrota
nire itxura antza denez
denei zaie inporta
ta urte luzetakoa
izaten dabil borroka (bis)
jente guztiaren eta
neure buruaren kontra.