Bertsos - View details To know more about this section
2023-11-25 Lemoa Txapelketa [Bertsoa] / Ibai Amillategi
Bertsoa entzun |
2023-11-25 Lemoa Txapelketa [Bertsoa] / Ibai Amillategi
Localization:
XDZ - Xenpelar Dokumentazio Zentroa
Eitten dodala ez neuke gure
ailegatzerik eskura
baina gabeetan heltzerakoan
ja goizaldeko ordura
izkutatuta ogetik altxa
hortako ez dot estura
ta apurka-apurka ezkatzerantza
joateko dot ohitura
hozkailukoa ez lei ostean
dagoen dana barrura
garai bateko aldizkakoa
ja ohitura bihurtu da. (bis)
Lapurren eran nik oin puntetan
itxi ogeko magala
ta zaratarik ez igarteko
izten dot ganoraz sala
bihar goizean nahiz ta hustuta
agertuko dan apala
guzurra botaz ezkutatzen dot
ja bihurtu da normala
abiadura haundiz jaten dot
irunsten dot berehala
behingoagatik onartu behar dot
arazo bat dekodala. (bis)
Ta holakoetan normala dalez
behin da barriro jaustea
“Ez dot egingo” Nahiz eta esan
gogorra dogu eustea
inorentzako gomendiotan
berez badekot fustea
baina niretzat ez da bardina
hau aldatzeko ustea
bihartik eta aurrera hobeto
nahiz eta dogun uztea
adikzioan txarrena dogu
norberak ez ikustea (bis)