Bertsos - View details To know more about this section
2023-12-16 Bilbo Txapelketa [Bertsoa] / Aissa Intxausti
| Bertsoa entzun |
2023-12-16 Bilbo Txapelketa [Bertsoa] / Aissa Intxausti
Stanza name:
Hamabiko ertaina (hg) / Sei puntuko ertaina (ip)
Localization:
XDZ - Xenpelar Dokumentazio Zentroa
Elkargune arraroak
beti dira iristen
barrutik urduri nago
burua irakiten
institutik duela
hogei urte ja irten
orduan irakasleek
bazuten eragiten
euskerak klasean zuen
nahikoa erabilpen
baina hortik kanpo guk be
ez genuen hitz egiten. (bis)
Izan dut astia nire
pertsona garatzeko
eta orain moldatzen naiz
lehen baino askoz hobeto
lagunarte bat hautatu
ta hauekin hasteko
aukera izan dudanez
jende ona tarteko
poteoan, parrandan zein
unian ikasteko
nik hautua egin nuen
euskaraz bizitzeko. (bis)
Gaur ez nukeen egin nahi
ikaskideen kontra
beraiek ez dute hartu
hartu nuen borroka
nahiz ta barrutik nagoen
triste eta lur jota
ez diot inori bota
nahi afarian bronka
oraindik badugu aurrean
herri legez erronka
argi ikusi da hizkuntza
ereduen porrota. (bis)