Bertsos - View details To know more about this section
2024-03-16 Gasteiz Txapelketa [Bertsoa] / Manex Agirre, Paula Amilburu
| Bertsoa entzun |
2024-03-16 Gasteiz Txapelketa [Bertsoa] / Manex Agirre, Paula Amilburu
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Manex Agirre
Nostalgiarik ez dago hemen
laztanen eta musuen
inertziaren korapiloak
harrapatu baikintuen.
Ez nuen uste zu sentitzea
gaur ahalik eta gertuen
besarkada hau gogorra izan da
baina Paula, behar nuen!
Paula Amilburu
Bikoteari eutsi nahiean
egin genituen lanak
baina azkenean harrapatuta
gu liskarrek eta dramak
besarkatuta bueltatu zaizkit
malko ta maitasun zamak
atzera beira ederragoa
dirudi ta iraganak!
Manex Agirre
Iraganean bizitza dago
ta sentsazioak mila
hori ez da berriz itzuli behar
ta aurrera doa gurpila.
Ni noizean behin hor hasiko naiz
memorian bila-bila
nagusitzen den oroitzapena
gozoa izan dadila!
Paula Amilburu
Asko genuen hasieratik
gu biok hor hobetzeko
ta ia hor kotxea ta etxea daude
banatuta sinatzeko…
Seme-alabak euki izanak
baina daukat eskertzeko
aldiro-aldiro gutxi bada ere
biok elkar ikusteko!
Manex Agirre
Taberna baten, kafesne batek
igual bilduko gaitu gu
garai batean bizitakoak
gogoratuko ditugu
lehen frakaso bat zela uste nuen
pena neukan buruz-buru
baina ez, Paula, kontu honekin
biok irabazi dugu!
Paula Amilburu
Heldutasuna nabari zaigu
jada hori ez da traba
zoriona ere konpartitzen gu
hala nola ari gara
bizitzan gauzak noizbehinka horrela
direlako beharbada
gonbidapena jasoko duzu
nire hurrengo ezkontzara!