Bertsos - View details To know more about this section
2023-12-02 Iruñea Txapelketa [Bertsoa] / Saats Karasatorre, Sarai Robles
| Bertsoa entzun |
2023-12-02 Iruñea Txapelketa [Bertsoa] / Saats Karasatorre, Sarai Robles
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
S. Karasatorre
Fabrikan hiru turno
ta lanetan lepo
etxera iristen naiz
geratu lo seko.
Zuk tartea daukazu
hau dekoratzeko
ta denbora librea
gero garbitzeko. (bis)
S. Robles
Garbitzeko parada
ere badut lagun
baina zein polita den
aitortu dezagun
pixkat sosoa zara
ta egin dut, entzun
zure barruko haurra
atera dezazun. (bis)
S. Karasatorre
Horixe permisoa
eskatzea al zen?
Hau bihurtu baituzu
marrazki almazen
etxeko espazioa
zuretzako hartzen
hemen nik nonbait ez dut
deus ere pintatzen. (bis)
S. Robles
Nahiz ez duzun umeek
adina bertute
bai pintatzen duzula
esanen nizuke
ze zure argazki bat
ikustearen truke
zure erretratu bat
ere egin dute. (bis)
S. Karasatorre
Eta dotore nago
ta ez hor bakarrik
altxatzen naizenean
ta behingoz itzarrik
zure alde argudioek
badute indarrik
behintzat ez dugu hormak
pintatu beharrik. (bis)
S. Robles
Zuretzat hau ez denez
horren graziosoa
nik eman beharko dut
lehenengo pausoa
logelan sartuko dut
artelan osoa
etxea izango da
zu bezain sosoa. (bis)