Bertsos - View details   To know more about this section

2024-09-01 Plentzia Jaialdia [Bertsoa] / Beñat Gaztelumendi

Bertsoa entzun  

General information

Kategoria
Bat-batekoa
Performance
2024-09-01 Plentzia Jaialdia
Conductor
Ibargurengoitia, Erlantz
Bertsolaris / Authors
Gaztelumendi, Beñat
Exercise
Bakarka gaia-emanda
Proposed topic
Ogasunak ere dena kontrolatu nahi, eta aurten hasi da zenbait tokitan txosna eta herrietako jaietako ekonomia kontrolatu nahian. Gasteizen herriko txosnei Ticket bai sistema ezarri nahi izan die, eta hurrengo urtean helduko omen da Bizkaia eta Gipuzkoara. Beñat, ticket bai ala ticket ez?

Description

Melody
Amodioa gauza tristea
Stanza name
Hamarreko handia (hg) / Bost puntuko handia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

2024-09-01 Plentzia Jaialdia [Bertsoa] / Beñat Gaztelumendi

Stanza name:  Hamarreko handia (hg) / Bost puntuko handia (ip) 
Localization:  XDZ - Xenpelar Dokumentazio Zentroa 

Polemika bat egon da nunbait
Ticket baiari lotua
orain arteko eredu hori
omen dago agortua
eta festaren erdigunera
ailegatu da jokua
kontrolik behar dugun edo ez
hori ez dugu kontua
arazoa da ea norengan
ipintzen dugun fokua.

Txosnak ekarpen bat egiten du
eta besterik ezean
mugimendu bat elikatzen da
eta barraren ertzean
ardatza jarri nahi ez duena
norbere interesean
baina Ticket bai sartu omen da
halaxe diru beltzean
legeak beti begiratzen du
pobreenaren etxean.

Ze Iberdrola ta Petronorren
badago usain ustela
AHTren obretara ere
so jar gaitezen bestela
ta lanpostu ta txiringitoak
ia azokan bezela
egia bada ustelkeria
kontrolatu nahi dutela
Jaurlaritzaren estolderiak
arakatu ditzatela.