Bertsos - View details   To know more about this section

2024-12-01 Arrasate Txapelketa [Bertsoa] / Oihana Iguaran, Agin Laburu

Bertsoa entzun  

General information

Kategoria
Bat-batekoa
Periodical Performance (Saioarena)
Gipuzkoako Bertsolari Txapelketa (12. 2024)
Performance
2024-12-01 Arrasate Txapelketa
Gai-emailea
Artola, Imanol "Felix"
Bertsolaris / Authors
Iguaran, Oihana
Laburu, Agin
Exercise
Binaka gaia-emanda puntutan
Proposed topic
Zabor biltzaileak zarete. Kamioia hartu eta oraintxe hasi duzue gaueko txanda kalez kale.

Description

Melody
Sortu naiz iparrean II
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

2024-12-01 Arrasate Txapelketa [Bertsoa] / Oihana Iguaran, Agin Laburu

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 


A. Laburu
Hamaika gazte bada
parranda egina
O. Iguaran
reziklatzen gainera
ondo ez dakina
A. Laburu
kalian kristala ta
plastiko zikina.
O. Iguaran
Kontuz kristalarekin
ez hartzeko mina.

O. Iguaran
Plastikozko basoak
jartzen dira baina
A. Laburu
gure burua ezin
alperrik engaina
O. Iguaran
kristal puskaz betea
dago lur labaina
A. Laburu
kontzientzi zikina
garbia mingaina.

A. Laburu
Gu ere horrelaxe
ibiltzen ginan ta
O. Iguaran
geroztik ezin sartu
zaborretan hanka
A. Laburu
nahiz eta badaukagun
garbizale planta
O. Iguaran
parrandara irtetean
desfasa galanta.

O. Iguaran
Zuk gaupasaz baldera
botatzen al dezu?
A. Laburu
Nik zer egiten dedan
ikus dezakezu
O. Iguaran
basoa esan nahi nun
ez sabela kexu
A. Laburu
ekologiarekin
zenbat konpromezu.

A. Laburu
Herri hontan jarri zan
atez atekoa
O. Iguaran
ta ate itxi hartan
ze danbatekoa!
A. Laburu
Arratoi haundi horrek
lodi du lepoa
O. Iguaran
dena kamioi berean
eramatekoa.

O. Iguaran
Batera sartzen dira
sei kontenedore
A. Laburu
herri hontan ez dabil
jendia dotore
O. Iguaran
reziklatua bereiz
ahal balitza hobe
A. Laburu
eskerrak soilik diran
bizpahiru kolore.

A. Laburu
Jendiak ez zuenez
bereizten ikasi
O. Iguaran
lurreko botaka horrek
ez du egiten grazi
A. Laburu
baino hemen bazterrak
ezin dira nahasi
O. Iguaran
behar den aina diru
ezin irabazi.

O. Iguaran
Soldata txikia ta
hau da zabor pila!
A. Laburu
Alkatia ez da ez
etorriko bila
O. Iguaran
jadanik sartu dira
ehun Keler botila
A. Laburu
ta lana nahi duena
etorri dadila.