BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Mingañe Saltsan Bertso Sariketa (3. 2025)

Performance

2025-03-14 Leitza Sariketa

Gai-emailea

Saralegi, Maddi

Zugarramurdi, Maddi

Bertsolaris / Authors

Iguaran, Oihana

Maia, Jon

Exercise

Binaka gaia-emanda puntutan

Proposed topic

Mundua bukatzera doa. Ikerlariek ikerketa sakonak egin dituzte eta gauza segurua da lau egun barru planeta lehertuko dela. Zer egingo duzue lau egun hauetan?

Description

Melody

Ezagutu zuenak

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2025-03-14 Leitza Sariketa [Bertsoa] / Oihana Iguaran, Jon Maia

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

O. Iguaran
Torrea bilakatu
dezagun bunkerra
J. Maia
eta kanpoan behingoz
has dadila gerra
O. Iguaran
hau litzake pakean
tratatu ederra
J. Maia
hiltzeko toki ona da
Leitzako bazterra.

J. Maia
Eta hilko bagina
elkarren ondoan?
O. Iguaran
Hiltzean une on bat
neukake gogoan
J. Maia
total oso urruti
ezin degu joan
O. Iguaran
ta ez gera agertuko
eskela zoroan.

O. Iguaran
Behintzat hortatik libre
egongo ginake
J. Maia
nik lo egin nahi nuke
azken unera arte
O. Iguaran
ta entierrorik gabe
pentsatu ze pake!
J. Maia
Eta denak negarrez
gugatik jo ta ke.

J. Maia
Nik nahi nuke probatu
azken gazta tarta
O. Iguaran
hori da eskari bat
inurren aparta
J. Maia
ez dugu denborarik
ez ekarri karta
O. Iguaran
azken juzioan’e
utzi behar marka.

O. Iguaran
Zure omenaldia
litzake lau egun
J. Maia
denborarik ez da ta
ja egin dezagun!
O. Iguaran
Kanta berri-berri bat
sortu dezakegun
J. Maia
egin azkar pankarta
“Jon Maia txapeldun”.

J. Maia
Nire bizitzan ez det
ezer irabazi.
O. Iguaran
Ezer hau gutxi al dan
baloratzen hasi
J. Maia
ba orain azken unean
nahi nuke ikasi
O. Iguaran
Jon Maia txapelduna
egin zuk garrasi.

O. Iguaran
Ta zuk oihu eginda
sinetsi ezazu
J. Maia
gutxinez animoa
ematen didazu
O. Iguaran
ba txapela kentzeko
gu pronto gauzkazu
J. Maia
azken jarraitzailea
izango zara zu.

J. Maia
Bueno, igual azkena
ta igual lehena
O. Iguaran
bai, baina amaiera
ekar lezakena
J. Maia
Oihana esan ‘zazu
ja nahi dezun dena
O. Iguaran
mundua dela hemen
bukatuko dena.

O. Iguaran
Ta zu ta ni ez gera
munduko zilborra
J. Maia
azken sententzi hori
utz dezagun horra
O. Iguaran
guregan pentsatzea
ez da derrigorra
J. Maia
gu estaltzeko jarri
gainean atorra.

J. Maia
Leitzako hileta bat
tradizionala
O. Iguaran
uste nun festarako
prestatua zala
J. Maia
ta gero ilunean
pizt ’azu bengala
O. Iguaran
bi egun barru balu
hil balitz ojala!

O. Iguaran
Ze lau egun luzetxo
egin leike hola
J. Maia
orain edan nahi nuke
azken Coca-Cola
O. Iguaran
Israelen jarduna
ja ez zaizu ajola
J. Maia
sentitzen det bizitzan
topera nagola.

J. Maia
Baina ja ezin det joan
kruzero batera
O. Iguaran
nahi badezu errekan
bainatzera atera
J. Maia
ja ez det behar eta
har ‘zazu kartera
O. Iguaran
kartera hau oraindik
Jon Maian parte da.

O. Iguaran
Zer daukazu ba bertan?
Lau zor, bi faktura
J. Maia
eta zure begien
ta literatura
O. Iguaran
ta NAN Espainikoa
ja ez al zan basura?
J. Maia
Hil eta gero libre
joan nahi det mundura.

J. Maia
Ja azken minutuan
egongo gera ba?
O. Iguaran
Munduan bukatzean
nora joan da traba
J. Maia
hau da unibertsoko
azkeneko gaba.
O. Iguaran
ta ja honen azpian
degu lurrikara.

O. Iguaran
Zure azkeneko hitzak
kantatu itzazu
J. Maia
Biba Jon Maia eta
ba, noski biba zu!
O. Iguaran
Begira ortzi muga
ja bihurtu da su
J. Maia
banoa ortzi mugara
askatu nazazu!