Bertsos - View details To know more about this section
2006-07-02 Dima Jaialdia [Bertsoa] / Aitor Mendiluze
| Bertsoa entzun |
2006-07-02 Dima Jaialdia [Bertsoa] / Aitor Mendiluze
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Maite nauela esan dezake
zerbait esateagatik;
nahiz ta ez jaso esaldi onik
bere bi ezpainetatik
datorrenean bildurtzen naiz ni
bistakoa da zergatik;
ezin duela hori ekidin
hori ere ondo dakit
ta berriz ere negarrez nabil
nigatik ta beragatik. (bis)
Gauean gogor baldin badator
biharamunean triste;
gauean kolpez hartzen nau eta
goizetan barkamen eske.
Horrela segi ote daiteke?
baiezkorik ez det uste;
baina zer egin ote nezake?
Bihotzek lotzen gaituzte;
braz berataz errukitzen naiz
neure buruaz hainbeste. (bis)
Noizbait baietza eman genuen
familikoak lekuko;
pentsatzen nuen arroxa zena
ez zela inoiz aldatuko
baina beltzera jo zuen denak
eskua jaso orduko.
Eta gaur ere ezingo dio
ardoari egin uko;
berriz jotzera etorriko zait
baina ez nau aurkituko. (bis)