Bertsos - View details To know more about this section
2006-03-17 Azpeitia Jaialdia [Bertsoa] / Jon Maia
| Bertsoa entzun |
2006-03-17 Azpeitia Jaialdia [Bertsoa] / Jon Maia
Localization:
XDZ - Xenpelar Dokumentazio Zentroa
Hiru urte pasatu dira
baina ematen du mila.
Ordutik zenbat odol huste
eta zenbat iskanbila!
Bihotz barruan amorrua
eta eskuan fusila;
ezin det sinistu herri hau
jadanik dagonik hila;
hargatik banoa gerrara
lasai egon neskatila;
gerrara nijoa alaba
baina pakean bila. (bis)
Haundiak txikia jaten du
mundu honen erregela
eta guri tokatzen zaigu
txikienaren papela.
Hiru urtez mantendu gera
ta nola segi horrela
geure etxeetan sartuta
beti bildurrez gaudela?
Ulertu zaidazu alaba
ez naiz hain aita ergela
eta hil egin behar banaute
borrokan hil nazatela! (bis)
"Ez zaitez joan hain itsua!"
sarritan dute esaten
baina nik ezin dut ikasi
zama astun hau eramaten.
Iaz ez genuen lortu ta
ez dugu lortuko aurten
baina berriz jeikiko gera
hoiek ulertu dezaten;
banoa alaba kalera
dudan guztia ematen
zuek noizbait bizi zaitezten
herri zabal ta libre baten. (bis)