Bertsos - View details To know more about this section
1996-11-22 Eibar Jaialdia [Bertsoa] / Ainhoa Agirreazaldegi
| Bertsoa entzun |
1996-11-22 Eibar Jaialdia [Bertsoa] / Ainhoa Agirreazaldegi
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Zure kantua entzun nahiean
beste askotxo dabiltza,
era horretan ez du edonork
esnatzen bere bizitza.
Erabat arin belarritara
sartu ohi zait zure hitza;
ez da gogorra, ez da faltsua
ta gutxiago bortitza.
Nahiago nuke kantu gehiago
horren goxoa balitza. (bis)
Doinu politak entzun nahiean
hemen egunero gaude.
Aukera hori ez da izaten
alde guztitan halare;
soinu gogorrak eta bortitzak
alde guztietan daude.
Amets hutsetik jaikitze hutsaz
batzuk jartzen dira grabe;
zure doinuez neri berdin zait
gauerdia bada ere. (bis)
Zure kanturik nere etxean
nahiz ta sarri nabarmentzen,
ohitura hoiek herri honetan
lehen hasi ziran galtzen.
Doinua goxoak urritu dira,
hasiak dira apaltzen;
zenbait tokitan doinu zakarrik
gehiegi denez azaltzen,
saiatu zaitez zure kantua
Euskal Herrian zabaltzen. (bis)