Bertsos - View details To know more about this section
2001-11-04 Elorrio Txapelketa [Bertsoa] / Bittor Elizagoien, Igor Elortza
| Bertsoa entzun |
2001-11-04 Elorrio Txapelketa [Bertsoa] / Bittor Elizagoien, Igor Elortza
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
Elizagoien:
Txerrikumea ez da
bizitzen oparo;
gainera bizi gera
gero ta okerrago.
Nahiz ta jatea nuen
nik ere nahiago,
jana maite dut bainan
bizia gehiago. (bis)
I. Elortza:
Barka, baina nik ere
maite dut bizitza;
San Martinez hiltzea
hain litzake hitsa!
Nahiz ta erabakia
zuk hartu bortitza,
berez eskasa nahiz ta
alperrik zabiltza! (bis)
Elizagoien:
Arazo asko duzu
orain gizentzeko,
nunbait jaio baizinan
denak tentatzeko.
Bainan hilko zaituzte
askoren antzeko,
besterik ez bada're
trabatik kentzeko! (bis)
I. Elortza:
Nik hori entzuteko
ez nuen usterik;
behin entzun ta zer esan
ote dezaket nik?
Lasai, ez naute eta
botako hemendik;
traba ez dizut egiten
nik zuri besterik. (bis)
Elizagoien:
Lagunak gera eta
ederki gabiltza;
janaria're ez da
batere murritza.
Baina ez da hain txarra
orain nire ditsa;
Gutxinez luzetu dut
urteko bizitza. (bis)
I. Elortza:
Ni ere pozik bizi naiz
gaur bazterrik bazter,
nagusian etxean
jabe eta maizter.
Laguntzat hartzen nauzu,
beraz mila esker;
baina bat gutxiago
izango dut laister. (bis)
Elizagoien:
Nausiak onartu du
nere malezia;
gainera utzi behar dit
aurtengoz bizia.
Zuk egin behar dezu
alkira jauzia,
ta gero neretzako
jateko guzia. (bis)
I. Elortza:
Ez dakit iritzia
daukazun zuzena;
engainaturik zaude
niri ematen pena.
Jatekoa zuretzat,
entzun dut ordena,
baina zeu zara hemen
jango zaituztena! (bis)