Bertsos - View details To know more about this section
2001-11-03 Lesaka Txapelketa [Bertsoa] / Iratxe Ibarra, Xabier Silveira
| Bertsoa entzun |
2001-11-03 Lesaka Txapelketa [Bertsoa] / Iratxe Ibarra, Xabier Silveira
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
Silveira:
Lehen beti zen nerekin,
zen kontu larria;
gaur berriz ahaztua nau,
hau ez da berria,
haundi du ipurdia
ta zabal gerria;
goxo al dago Iratxe
aitaren txerria? (bis)
Ibarra:
Lehen tipo fina neukan,
nik hori badakit;
baina ez da bakarrik
txerriarengatik.
Hor goian ipintzea
beldurra ematen dit,
kirola egiteari
utzi nionetik. (bis)
Silveira:
Aspaldi ez zarela
joan aerobikera;
aspaldi ahaztu duzu
mendi irteera,
baina halare lasai
etorri gainera,
oraindik politena
zerorri baitzera. (bis)
Ibarra:
Oraintxe jarri nauzu
zuk umore alaiz,
baina penaz nago ni
zerbait argaldu nahiz;
mendira lehen joaten
nintzen sarri ta maiz,
ta orain berriz Silveiran
tabernan sartzen naiz. (bis)
Silveira:
Zu lehenago mendira
joaten zinen sarri,
ta loditu zarela
urrundik igerri.
Halare nire gainin
lasai-lasai jarri,
baina hori bai, Silveira
ez zazu ekarri! (bis)
Ibarra:
Zu Silveiraren aurka
hasi zara ozen,
baina nire ustetan
jokatzen du zuzen.
Ez naiz hasiko hura
zugana ekartzen,
hura urte osoan
ez baita pisatzen.
Silveira:
Silveira ez dezagun
solas kontutzat har,
zu oraindik ez zara
hura bezain zatar.
Jarri gainin, ez duzu
aztoratu behar,
beti jarriko baitut
berrogeita hamar. (bis)
Ibarra:
Berrogeita hamarrekin
lehen egon nintzen fin,
baina azken aldian
ai, hirurogeikin!
Kokoteraino nago
bertso afariekin;
korrika hasi behar dut
Andoni Egañakin! (bis)