Bertsos - View details To know more about this section
1986-03-09 Tolosa Txapelketa 17:00 [Bertsoa] / Jose Luis Gorrotxategi
1986-03-09 Tolosa Txapelketa 17:00 [Bertsoa] / Jose Luis Gorrotxategi
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Garai batean horrelakorik
neri ezin bururatu,
orduan, lagun bat ez hartzea
egin nun nahiko pekatu,
urteak martxan doazte eta
ai, honek ez du barkatu,
gogor ziranak bigundu dira,
bigun ziranak gogortu,
oinetakoak lotu ber eta
lurrera ezin makurtu. (bis)
Hamaika bider ibiltzen nintzan
zerbait banintzan asmotan
orain ohera joaten naiz eta
barrena sartzean Iotan,
zer bidetatik ibiltzen geran
pentsatutzen det frankotan,
izan e horren xelebre gabiltz
bizi garan mundu hontan,
elbi bat haina ez gera eta
Jangoiko geralakotan. (bis)
Urtean behingo balitza hutsa,
gertatzen da egunero,
ta pentsatzen dut erremeiorik
ez duela honezkero,
gazte maiteok jarri zaitezte
hau entzunda bero-bero,
laguntxo bana bila zazute
zuentzako aukeraro,
damua alper izan ez dedin
denbora pasata gero. (bis)