Bertsos - View details To know more about this section
1986-03-16 Bilbo Txapelketa 11:30 [Bertsoa] / Andoni Egaña
1986-03-16 Bilbo Txapelketa 11:30 [Bertsoa] / Andoni Egaña
Stanza name:
Neurri luzekoak
Localization:
XDZ - Xenpelar Dokumentazio Zentroa
Begira nago jarria beraz
zeru erditik mundura,
Bilbok aldeak sortu du nere
barrunpe hontan ardura,
kez estalia ikusitzen det
hiri haundien modura,
hori da zatar itxura. (bis)
Zalantzan nago oraindik ere
petroliua den hura,
hurbildu eta konturatu naiz
dala Nerbioiko ura. (bis)
Beraz gizonak jarriak daude
kutsaduraren esklabo,
Bilbo aldeko biztanle denak
martxa honetan akabo,
kutsadurak hor ba omen dauzka
nik ez dakit zenbat grado
garbia gendun lehenago, (bis)
orain zikina nagusitu da
pixkana eta gehiago,
erremeiua ipini dezan
Udaletxea nun dago? (bis)
Alper alperrik hasi ziraden
arren, arren eta arren,
ibai zikinak goikaldetikan
zerrikeria zekarren,
gure hirian bizi beharko
al danik eta ondoen,
badaukagu nahiko kemen. (bis)
Norbaitek egin gura baluke
lana sobra dago hemen,
beraz al dala bete dezagun
guztiok ito baino lehen. (bis)