Bertsos - View details To know more about this section
1989-12-03 Gernika-Lumo Txapelketa 17:00 [Bertsoa] / Gregorio Larrañaga "Mañukorta", Millan Telleria
1989-12-03 Gernika-Lumo Txapelketa 17:00 [Bertsoa] / Gregorio Larrañaga "Mañukorta", Millan Telleria
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Mañukorta
Txiste kontatzen lasai ari da
Jainkumendiko mutila,
afalonduan irritar gozoz
albuan entzule pila,
eta bakar bat hortxe dadukat
guztizko isil-isila,
ez dakit degun euskalduna edo
kanpo aldeko jentila,
bibotearekin ematen dezu
egizko Guarda Zibila.
Telleria
Ez dakit duten pagatu eta
hau honuntza ekarria,
edo bestela pasadizoan
bere kaxa etorria,
baina umore ona jartzeko
abilidade urria,
hau ikusita nork egingo du
gaurkoan farre irria,
ezer onikan ez du kontatzen
bera da parregarria.
Mañukorta
Mutur beltza(re)kin nere lagun hau
albuan dago itxusi,
itxusi(ag)orik egundo santa
begikin ez det ikusi,
alfalonduak merezi baidu
irriparra eta grazi,
zuk e(re) lehenbizi txiste ederrak
ondo kontatzen ikasi,
eta geroztik ni bezelaxe
lasai kontatutzen hasi.
Telleria
Atzetik aurrera hasten da eta
erdi parean gelditu,
nik zer esaten ari dan ere
ezin diot konprenditu,
lehen lotsagarri etorri da ta
lotsakizuna haunditu,
mingaina ere bere ahoan
ezin baizaio kabitu,
ta ezpainak baino bere bekainak
gehiago mugitzen ditu.
Mañukorta
Desafiuak jaun andereak
azaltzen dira sakonak,
ta erantzunak bibotedunak
bihotz-bihotzez emonak,
irripar asko egiten daki
neri begira dagonak,
begikin ere errezoiakin
beti ditut zorionak,
edozertako balio baidu
ni bezalako gizonak.
Telleria
Honek esanda entzundakoei
irrifarra nola truka,
inork ez dio antzik ematen
noiz hasi dun da noiz buka,
honek badauka oihu irrintzia
badu putza eta puzka,
hasi ha(d)i zinu batzuk eginez
ta hasi badi ojuka,
lanbada dantza egiteko (e)re
okertzen lanik ez dauka.