Bertsos - View details   To know more about this section

1995-05-12 Amasa-Villabona Txapelketa [Bertsoa] / Maialen Lujanbio, Joanito Mitxelena

General information

Kategoria
Bat-batekoa
Periodical Performance (Saioarena)
Gipuzkoako Bertsolari Txapelketa (6. 1995)
Performance
1995-05-12 Amasa-Villabona Txapelketa
Gai-emailea
Madariaga, Joxepa
Bertsolaris / Authors
Lujanbio, Maialen
Mitxelena, Joanito
Exercise
Binaka gaia-emanda
Proposed topic
Zu M. Lujanbio artista famatua zaitugu. Zure kuadroa pintura erakusketa baterako eskatu zizun kultur-etxeko zuzendariak J. Mitxelenak. Astebetera Maialen erakusketara etorri zara eta zure kuadroa azpikoz gora ikusi duzu. Hiruna bertso M. Lujanbio hasita.

Description

Melody
Kantatzera nijoa
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

1995-05-12 Amasa-Villabona Txapelketa [Bertsoa] / Maialen Lujanbio, Joanito Mitxelena

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 


Lujanbio
Herrian aurkeztu det
nere lan sakona
ez da intelektuala
holako gizona.
Goiaren erretratu
txukun eta ona,
da zuk ikusi dezun
gauzik astraktona.

Mitxelena
Artista jarri zera
zu penetan lehertzen,
gauz hoiek ikusita
bait zera aspertzen.
Kuadroa buelta emanda
hortxen da agertzen,
lehen zeguen bezela
ez zuten ulertzen.

Lujanbio
Parrik ez zazu egin
zuk nere kontura,
nere kuadroak bazun
nahikoa lilura.
Orain inork ez al du
adierazten duda,
azalpenak idatzi
al dizkiozu ba?

Mitxelena
Etzaitez hasarretu
hau dala medio,
jendeak gauza horren
berri hauxe dio:
egia esan hori
zer erremedio,
buelta eman ta gehio
duela balio.

Lujanbio
Dirua're aipatu
dezu azkenian,
ze zentzu artistiko
dezun barrenian?
Behia goian dauka ta
goia dauka bihan
ta gaitzerdi aldrebes
jarri ez dunian.

Mitxelena
Artista bat edonor
diteke etsita,
bere langintzak badu
hainbat garrantzi ta.
Itxura danez zaude
gutxitxo jantzita,
hurrengoa pintatu
begiak itxita.