Bertsos - View details To know more about this section
2007-10-27 Eibar Txapelketa [Bertsoa] / Amaia Agirre
2007-10-27 Eibar Txapelketa [Bertsoa] / Amaia Agirre
Stanza name:
Hamabiko handia (hg) / Sei puntuko handia (ip)
Localization:
XDZ - Xenpelar Dokumentazio Zentroa
Mundu honetan ez naiz portatu
eskatzen zaidan neurrira
nere bizitza urkatu baitet
drogazaleen harira;
zainak erabat zuloz beteta
noizbait itxiko balira...
Ortzimugari uko eginda
nago lurrera begira;
une gogorrak iritsi zaizkit
alturan doa segida...
Ametsik bete ezin denean
bizitzea alperrik da (bis)
Begiratua eta bizitza
joan zaizkit goitik behera
ta gizartean ezer ez al naiz
gertukoen arabera?
Hiesa degu nere sozio
hortik kontua atera;
atzera pauso bi egin duenak
zer nolatan jo aurrera?
Nere helmuga heriotza da
modu txarrean gainera;
bizitzai ihes egin nahi diot
hiesarekin batera (bis)
Gure aitak dio "Amaia ez zera
enbor bereko ezpala;
zu galdu zinan gure etxetik
atera ta berehala".
Orain hiesa det bide lagun
mamua eta itzala;
nik neuk ezin det eta hiesak
bidean segi dezala;
pausoa eman aurrera eta
goitik behera banoala
hiesak guztiz irentsi aurretik
lurrak irentsi nazala! (bis).