Bertsos - View details To know more about this section
2007-09-23 Hernani Txapelketa [Bertsoa] / Arnaitz Lasarte
2007-09-23 Hernani Txapelketa [Bertsoa] / Arnaitz Lasarte
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Goizean jeiki ta ondo jantzi
hori da dedan diztira;
korbata txukun galtza berriak
mutiko onen neurrira;
tren geltokira iritsia naiz
begiratu urrutira;
bakar-bakarrik nago oraindik
hara ta hona begira...
Zai zaudenean tren azkar denak
moteldu egiten dira. (bis)
Orain artean cobarde samar
ta egin behar aproba;
zulo beltzean sartua nago
ta irten nahi nuke gora;
hain ondo jantzi hain guapo egon
ta nago oso gustora;
lasai antzean jarraitu nahi det
nahiz ta pasa den denbora
pazientzia hartu ezkero
nahi dedana helduko da. (bis)
Azkenerako iritsi da ta
hau soinuak trenarenak!
Neska eder bat jetsi da noizbait
ahaztu dira nere penak;
hau ondo daki itxarotea
zer den probatu duenak;
hain dago polit hain da ederra
ditu jantzirik onenak...
Denbora askoz zai egon arren
merezi izan du denak.