Bertsos - View details To know more about this section
2007-12-16 Donostia Txapelketa [Bertsoa] / Beñat Gaztelumendi
2007-12-16 Donostia Txapelketa [Bertsoa] / Beñat Gaztelumendi
Stanza name:
Hamabiko handia (hg) / Sei puntuko handia (ip)
Localization:
XDZ - Xenpelar Dokumentazio Zentroa
Gaua beltza da baino ikusten da
mila izarren argia;
sei urte dauzkat ta poza ez da
bizi hontan ugaria.
Bi aste dira idatzi nula
karta baten guraria;
bi aste dira egon naizela
dardaretan eroria;
bi aste eta orain begiak
bustita daduzkat ia
gaur heldu baita olentzerori
eskautako oparia. (bis)
Orain bi urte nere aitatxok
urrun egin zuen ihes;
nik ondo dakit aitatxok asko
maitatzen nauela berez
baino berririk ez du bidali
berririk ezta ezer ez
Ta gaur etxera agertu zaigu
irrifar pozgarri batez.
Bere eskutan estu hartu nau
emozioaren bidez
eta negarrez hala esan dit:
"Barka zaidazu mesedez". (bis)
Nere bihotza azkar dijoa
dantzan dabil ero-ero;
bere besotan estu hartu nau
hiru-lau minutuz edo.
Gero berriro hitzez hasi zait
besterik ez zen espero;
gaur arte urrundu dutenak ditu
nunbait hainbeste enredo
baina esan dit "Olentzerori
ez itxoin hontara ezkero;
nik opari bat egingo dizut
egunero-egunero". (bis)