BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Gipuzkoako Bertsolari Txapelketa (8. 2007)

Performance

2007-10-06 Getaria (G) Txapelketa

Gai-emailea

Aizpuru, Egoitz

Bertsolaris / Authors

Labayen, Jokin

Otamendi, Andoni

Exercise

Binaka gaia-emanda

Proposed topic

Parrandan zabiltzate biok. Gau guztian makina bat pertsona hurbildu zaizkizue ligatu asmoz. Jokin nazkatu da. Andonik, ordea, parrandan jarraitu nahi du.

Description

Melody

Dama gazte xarmant bat

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2007-10-06 Getaria (G) Txapelketa [Bertsoa] / Jokin Labayen, Andoni Otamendi

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

A. Otamendi: Gau guztia gabiltza
batetik bestera
horrenbeste neskatxa
gure aldamenera!
Aprobetxatu nahi det
holako aukera
benga goazen Jokin gu
beste bat hartzera. (bis)

J. Labayen: Nik zurekin aritu
nahi nuen gustora
eta neskatxak baino
ez datoz albora.
Azkenean heldu naiz
ni soluziora:
kopetan jarriko dut
"zerbitzuz kanpora". (bis)

A. Otamendi: Beraz izango zera
gaueko naufrago
ta nik jarraitu nahi det
pikaro-pikaro;
horrenbeste neskekin
nazkatuta dago
eta neroni berriz
hontan ohitua nago. (bis)

J. Labayen: Tabernarik taberna
nolako trotea
nahiz ta hementxe gauden
tragoa ta kea;
ligatzeko har zazu
Andoni tartea
gaur San Migela baita
nire bikotea. (bis)

A. Otamendi: Gehiago edatea
igual komeni zan
Jokin jarraitu zazu
San Migelan gisan;
ni ondo moldatzen naiz
gaueko bizitzan;
beste batera noa
agur ondo izan. (bis)

J. Labayen: Ni hemen gelditzen naiz
beraz bazoaz zu
ea norbaitek egin
ahal dizun gaur kasu;
pasa botea eta
bi kondoi hor aizu:
kadukatu baino lehen
erabili itzazu. (bis)