BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Gipuzkoako Bertsolari Txapelketa (8. 2007)

Performance

2007-11-17 Eskoriatza Txapelketa

Gai-emailea

Aizpuru, Egoitz

Bertsolaris / Authors

Agirre Goia, Unai

Alberdi, Uxue

Exercise

Binaka gaia-emanda

Proposed topic

Elkarrekin bizi zarete. Uxue bejetarianoa denez, zu ere, Unai, hala egin zara, etxeko martxa hobetze aldera. Hilabete pasatu da, eta ezin duzu gehiago.

Description

Melody

Kantatzera nijoa

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2007-11-17 Eskoriatza Txapelketa [Bertsoa] / Unai Agirre Goia, Uxue Alberdi

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

U. Agirre: Haragia kanpora
ta berdurak arau
neri iruditzen zait
ia-ia barau.
Luze segi ezkero
gure joera hau
osasunak ez baino
tristurak hilko nau. (bis)

U. Alberdi: Porruak, leka, aza
ta letxuga fina?
belarjalea naiz ni
ardiak adina;
nahiz eskertzen dizudan
zure ahalegina
ez dezu egin beharrik
andrian berdina. (bis)

U. Agirre: Zuk jan klase honetan
dezu mila fede;
berdura ta lekale
danak ditu bere.
Baina zuk ere aldatu
egizu mesede
laister ez dezu izango
nundik heldu ere! (bis)

U. Alberdi: Ez bazaizu gustatzen
zuretzako kalte
haragirikan ez zait
neri falta bat'e;
baina nik maite zaitut
ta aditu maite:
mingain urdinarekin
kontuz ibil zaite. (bis)

U. Agirre: Hori nundik datorren
jardun naiz galdezka
nerekiko bainuen
egundoko kezka;
mingain urdinerako
nahiz ta gogor presta
zurekin bizi ezkero
arriskurik ez da. (bis)

U. Alberdi: Ez du nahi berderikan
ez du nahi belarrik
diferentziak ez du
berez ezer txarrik.
Nik ez daukat txuleta
gorrien beharrik
haragia maite det
zurea bakarrik. (bis)