BDB Bertsolaritzaren datu-basea

General information

Kategoria

Bat-batekoa

Periodical Performance (Saioarena)

Bertsolari Txapelketa Nagusirako Gipuzkoako Sailkapena (2001)

Performance

2001-04-28 Urretxu Txapelketa

Gai-emailea

Zaldua, Ion

Bertsolaris / Authors

Albistur, Aitor

Izagirre, Iñigo

Exercise

Binaka gaia-emanda

Proposed topic

Arrain-ontzian dauden bi arrain zarete. Zuen jabeak ez dizue aspaldi jaten eman, eta gaur, zuk, Iñigo, kosk egin diozu Aitorri.

Description

Melody

Dama gazte xarmant bat

Stanza name

Zortziko txikia (hg) / Lau puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Txapelketetako Bilduma

2001-04-28 Urretxu Txapelketa [Bertsoa] / Aitor Albistur, Iñigo Izagirre

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

---

IZAGIRRE:
Aspaldian ez degu
urdailik bete-ta,
eta albokuari
eskaini arreta;
koxkada bat edo bi
eman nei tarteka,
oraindik zer kendua
badaukazu eta. (bis)

ALBISTUR:
Jateko gogo asko
omen daukazu zuk;
ni ondoan izanda
gainera muxutruk,
baina ni hasi ezkero,
garbi esan nahi dizut:
mokau txiki batean
jan egingo zaitut. (bis)

IZAGIRRE:
Nik ez nuke sartu nahi
horren ahu estuan
ta ibili beharko
ahal dala tentuan.
bentaja bat badezu,
har zazu kontuan:
plastikozko alga danak
zuk jan zenituan. (bis)

ALBISTUR:
Baina algen kontua
ez zen hain bikaina
ta zuk orain jan behar
al dezu bik aina?
Hori da aldaketa
hemen alajaina,
lehen arrai laranja zen
ta orain piraina! (bis)

IZAGIRRE:
Ez al dezu ikusi
nik dedan distira?
Piraina ez zaidazu
orain deitu, tira;
nagusia ipini
baitzaizu begira,
zartaian oliua
ipintzen ari da. (bis)

ALBISTUR:
Olio konturikan
ez aipatu ezen,
ez dakizu ni zeinen
urduria naizen.
Benga lagun maitea,
esaten det ozen,
katua badator ta
izkuta gaitezen! (bis)