Bertsos - View details   To know more about this section

2001-05-18 Ordizia Txapelketa [Bertsoa] / Nahikari Gabilondo, Alfonso Jimenez

General information

Kategoria
Bat-batekoa
Periodical Performance (Saioarena)
Bertsolari Txapelketa Nagusirako Gipuzkoako Sailkapena (2001)
Performance
2001-05-18 Ordizia Txapelketa
Gai-emailea
Aldanondo, Igor
Bertsolaris / Authors
Gabilondo, Nahikari
Jimenez, Alfonso
Exercise
Binaka gaia-emanda kartzelako-lana
Proposed topic
Ez dira bi urte zu, Alfontso, Nahikariren ezkontzan izan zinela. Berriro ezkondu nahi duela eta, berriro gonbidatu zaitu ezkontzara.

Description

Melody
Orain hasi bihagu
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

2001-05-18 Ordizia Txapelketa [Bertsoa] / Nahikari Gabilondo, Alfonso Jimenez

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

JIMENEZ:
Ez zendun ondo egin
lehenengo aukera,
ez al zinen agertu
ondo eliz aldera?
Eta ba omen zoaz
berriz ezkontzera...
nere propinatikan
biziko al zera?

GABILONDO:
Zu gonbidatzeari
behar nion ekin,
lehen ere han zinen
ta orain ere berdin;
arren lagun bezala
portatu zaitez fin,
baina etorri traje
desberdinarekin.

JIMENEZ:
Jadanikan ez zera
lehengoaren jabe,
ilusioa zendun
ezkontzan zutabe;
egia esango dizut
suabe-suabe:
ezin dela ezkondu
maitasunik gabe.

GABILONDO:
Primeran pasatzeko
premiaz gaude gu,
zu zaitut nire lagun
zu zaitut eredu;
ta etorri zaitezen
hamaika erregu,
hirugarren senarra
hautatuko degu.

JIMENEZ:
Ezkontza ta ezkontza
dezu zuk ahoan,
ondo pasatu gendun
guk hango giroan;
nere proposamena
eduki gogoan:
zu nirekin ezkondu
hirugarrengoan.

GABILONDO:
Ez dezu etorri nahi
nere ezkontzara,
nonbait bidean bada
makina bat traba.
Zurekin ezkontzeko
esan dezu hara!
Orduan ezkontzara
joango al zara?