Bertsos - View details To know more about this section
2001-05-18 Ordizia Txapelketa [Bertsoa] / Jokin Uranga, Nikolas Zendoia
2001-05-18 Ordizia Txapelketa [Bertsoa] / Jokin Uranga, Nikolas Zendoia
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
ZENDOIA:
Hire lehengo ezkontzan
goza nizkin hortzak,
bainon gertatu zaizkik
ondorenak motzak.
Moteil ez al hau galtzen
aurpegiko lotsak?
Ez dik askorik iraun
lehenengo ezkontzak (bis)
URANGA:
Beraz zure ustez da
neretzat trantzea,
aurreko emazteak
eman dit atzea,
eta erabaki det
berriz ezkontzea;
ona baita gauza onak
errepikatzea (bis)
ZENDOIA:
Orain dala bi urte
hemengo ta hango,
hire ezkontzan ginun
makina bat zango.
Ta oraingoan ere
pozik nauk joango,
baina erregalirik
ez diat emango (bis)
URANGA:
Barkatu ni ez nago
oparien premiz
bigarren ezkontzan det
ilusio anitz
Ta Nikolas galdetu
nahi nizuke berriz
noiz ezkonduko zaren
aurreneko aldiz? (bis)
ZENDOIA:
Nolatan ausartu haiz
hori galdetzea?
hire lehenego ezkontzak
eman dik atzea,
hala ere gogozko dek
berriz ezkontzea;
hobe hukek neska zahar bat
alkilatutzea (bis)
URANGA:
Neretzako badezu
nahikoa maitasun,
nik ere maitasunez
nahi dizut erantzun
lagun on bat bezela
galdera hau da entzun:
bodako padrinoa
izan nahi al dezun. (bis)