BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-05-18 Ordizia Txapelketa

Gai-emailea

Aldanondo, Igor

Bertsolariak / Egileak

Uranga, Jokin

Zendoia, Nikolas

Lana

Binaka gaia-emanda kartzelako-lana

Jarritako gaia

Ez dira bi urte zu Nikolas, Jokinen ezkontzan izan zinela. Berriro ezkondu nahi duela eta, berriro gonbidatu zaitu ezkontzara.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-05-18 Ordizia Txapelketa [Bertsoa] / Jokin Uranga, Nikolas Zendoia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

ZENDOIA:
Hire lehengo ezkontzan
goza nizkin hortzak,
bainon gertatu zaizkik
ondorenak motzak.
Moteil ez al hau galtzen
aurpegiko lotsak?
Ez dik askorik iraun
lehenengo ezkontzak (bis)

URANGA:
Beraz zure ustez da
neretzat trantzea,
aurreko emazteak
eman dit atzea,
eta erabaki det
berriz ezkontzea;
ona baita gauza onak
errepikatzea (bis)

ZENDOIA:
Orain dala bi urte
hemengo ta hango,
hire ezkontzan ginun
makina bat zango.
Ta oraingoan ere
pozik nauk joango,
baina erregalirik
ez diat emango (bis)

URANGA:
Barkatu ni ez nago
oparien premiz
bigarren ezkontzan det
ilusio anitz
Ta Nikolas galdetu
nahi nizuke berriz
noiz ezkonduko zaren
aurreneko aldiz? (bis)

ZENDOIA:
Nolatan ausartu haiz
hori galdetzea?
hire lehenego ezkontzak
eman dik atzea,
hala ere gogozko dek
berriz ezkontzea;
hobe hukek neska zahar bat
alkilatutzea (bis)


URANGA:
Neretzako badezu
nahikoa maitasun,
nik ere maitasunez
nahi dizut erantzun
lagun on bat bezela
galdera hau da entzun:
bodako padrinoa
izan nahi al dezun. (bis)