Bertsos - View details To know more about this section
2001-03-24 Hernani Txapelketa [Bertsoa] / Ion Ansa
2001-03-24 Hernani Txapelketa [Bertsoa] / Ion Ansa
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Orain urte bat jasan beharra
izandu zuten kaltea,
orain berriro herri horrentzat
nolako errematea!
Ez da zuzena kulpa guztia
naturari ematea,
haunditu egin da aberats eta
pobreen arteko tartea,
leku beretan gertatzen da ta
ez da kasualitatea. (bis)
Lehendikan ere horrelakoak
baditugu ikusiak,
herri pobreak beti pairatzen
holako une gaziak;
hausnarketa egitea ere
mereziko du auziak:
batzun galerak izaten dira
besteen irabaziak,
amerikarren erruak dira
hango desgrazi guziak. (bis)
Batzuk guztia, besteak deus'e,
hola egin da sistema
ta lurrikarek betetzen dute
kapitalaren eskema;
baina kontuak aldatu behar
hain da gauza nabarmena;
herri pobreta biali behar da
amerikan diru dena,
dirua falta da han jasan duten
lurrikararik txarrena. (bis)