Bertsos - View details To know more about this section
2001-03-23 Zarautz Txapelketa [Bertsoa] / Felix Zubia
2001-03-23 Zarautz Txapelketa [Bertsoa] / Felix Zubia
Stanza name:
Neurri luzekoak
Localization:
XDZ - Xenpelar Dokumentazio Zentroa
Joxetxo ia zahartu zaigu
sasoi ondo gordeta,
txikiteora ertetzen zaigu
badauka nahikoa beta
jende guztiak ezagutzen du
badu nahiko berriketa,
guztiek jarri arreta (bis).
Neuk ere hala bukatu nahi det
urtiak ondo beteta,
adina eta zahar izatea
ezberdinak dira eta (bis)
Mariak berriz begiratuta
ez du itxura gozoa,
gorputz erdia geldrik dauka,
ez da gauza erosoa!
Trakets xamarra gelditu eta
baldarra dauka pausoa,
gela da bere auzoa (bis)
bakar bakarrik bizi naiz eta
joan zait bizi osoa;
ia norbaitek eskeintzen didan
paseorako besoa (bis)
Suerte txarreko izan da beti
Martineneko errena,
orain burua galduta dabil,
gizonak hau degu pena!
Ohe batean etzanda dago
hori du bere azkena,
bizia bizi ez dena (bis)
lerde jario ikus dezaket,
kaka egin du hurrena;
Geure buruan jabe galtzea
zahartzaroaren txarrena (bis)