Bertsos - View details To know more about this section
1999-11-28 Zarautz Txapelketa [Bertsoa] / Andoni Larrañaga, Julen Zulaika
1999-11-28 Zarautz Txapelketa [Bertsoa] / Andoni Larrañaga, Julen Zulaika
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
A. Larrañaga:
Bertsoa izan degu
munduko dotea.
Lehenago alkarrekin
hainbeste botea,
penagarria gendun
handik joatea.
Hemen oso luzea
joan zait urtea,
ez zela bela etorri
Basarri maitea!
J. Zulaika:
Zenbat herritan ote
degun guk kantatu?
Baina gure bidea
nonbait akabatu.
Elkarrekin bagendun
guk nahikoa tratu
ta zer pasatu zaigun
nahi dizut kontatu
bizitzak banandua,
heriotzak batu.
Larrañaga:
Orain batera gaude
egon zaitez lasai.
Gu ibili gintezke
pozik eta alai.
Urteak pasa dira
Basarri zure nahi,
zurekin probatzea
nahi nuen nolanahi,
han gehiago nintzaden
ta hemen ere bai.
J. Zulaika:
Gaur ere ez zaidazu
Manuel egin burla
barruko poza orain
ezin disimula.
Esan behar zer kontatu
orain badegula
nere lehengo laguna
ahaztu ezin sekula
Lazkao Txiki nun da
esan zaidazula.
Larrañaga:
Zerua bertsolariz
daukagu beteta ,
ez dago zer egonik
haserrez erreta.
Nere proposamena(r)i
zuk jarri arreta,
Lazkao Txiki ere
hemen dago eta,:
Zeruan egingo dugu
bertso txapelketa.
J. Zulaika:
Lurrean bagenduen
abilidadia,
zu joatean hartu
nuen nahigabia.
Orain esan dezuna
nahiz izan egia
txapelketa ez degu
hain ona, ordia,
eta egin dezagun
bertso afaria.