Bertsos - View details To know more about this section
1990-06-30 Leaburu Jaialdia [Bertsoa] / Txomin Garmendia
Bertsoa entzun |
1990-06-30 Leaburu Jaialdia [Bertsoa] / Txomin Garmendia
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Iran hortatik mundu guzira
zabaldua da eskera,
lurrikara(re)kin gertatu dira
baztar guziak haustera,
neroni eta beste lagunak
Gurutz Gorritik joan gera,
lehengo gisara herri zahar hura
zaila da jartzen ostera,
gure harrokeri(a)k umiltzen dira
egun batetik bestera. (BIS)
Utzi nituen neure etxea
eta famelia berdin,
anai gaixoai laguntzearren
geure herritik aldegin,
Irango anai-arreba haietan
nabaritzen da hainbat min,
behian lurra daukate eta
goian berriz zeru urdin,
obra on bat e(g)in nahi badezute
badaukazute nun egin. (BIS)
Gure senidea(r)i laguntzeko
hartu dezagun arreta,
aberri hura gaur aurkitzen da
zorigaitzean beteta,
borondatezko hainbeste asmo
on baneduzkan gordeta,
hango berriak ekarritzeko
nik egina det buelta,
han gertatua bihar (ed)o etzi
hemen gertatu leike ta. (BIS)