Bertsos - View details   To know more about this section

1991-11-08 Muxika Sariketa [Bertsoa] / Iñigo Goienola, Aritz Lopategi

Bertsoa entzun  

General information

Kategoria
Bat-batekoa
Performance
1991-11-08 Muxika Sariketa
Conductor
Aranburu, Natxi
Bertsolaris / Authors
Goienola, Iñigo
Lopategi, Aritz
Exercise
Binaka gaia-emanda
Proposed topic
Aritz bentrilokua. Orain gitxi arte, gaur gauera arte hain zuzen, Iñigo, zure panpina izan da. Gaur azken saioa egin ondoren berbetan hasi jatsu.

Description

Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

1991-11-08 Muxika Sariketa [Bertsoa] / Iñigo Goienola, Aritz Lopategi

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

Lopategi
Lan egiten genduan
beti egun da gau,
akusazioak ere
sarritan hiru-lau,
hitz egiten hasi jat
t´harritu egin nau,
zoratu egin al da
nire panpina hau? (BIS)
Gojenola
Ez duzu begiratu
txit aurpegi alaiz,
nire hitzegiteak
ez dauka hainbat gaitz,
erabaki bat hartu
dot benetan garaiz,
zugandik hitzegiten
iada aspertu naiz. (BIS)
Lopategi
Hainbat urtetan biok
egin dogu lana,
eta orain berbetan
zatoz niregana,
hau hota ikusiaz
ai, nolako plana!
Edo-ta neu ote naiz
zoratu egin dana? (BIS)
Gojenola
Nahiz-ta zorotasuna
eduki gertuko,
ez zaude zoratuta
ta ez egin uko,
eskaera betetzen
duzu hainbat truko,
gehiago ez didazu
eskurik sartuko! (BIS)
Lopategi
Zerbait egiten berau
hasi jat honela,
pentsatzen dot burutik
txarto nabilela,
hemen nire ondoan
jarri dan bezela,
uste dut jubilatu
egin behar naizela. (BIS)
Gojenola
Askotan izan zara
zu nire nagusi,
zorotasun ugari
eta zentzu gutxi,
zugandik jasan ditut
hamaika igurtzi;
eroetxera aldegin
ta pakean, utzi! (BIS)