Bertsos - View details To know more about this section
1993-07-03 Beasain Jaialdia [Bertsoa] / Jokin Sorozabal, Millan Telleria
Bertsoa entzun |
1993-07-03 Beasain Jaialdia [Bertsoa] / Jokin Sorozabal, Millan Telleria
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Telleria:
Zortzirak ziren, andrea ta ni
artean'e lotan geunden,
eta norbaitek ateai kolpe
ematen zion nabarmen;
esan didate: "Olazarrera
joan zaitea lehenbailehen!"
Hementxe nago eta egunon,
zer gertatutzen da hemen? (bis)
Sorozabal:
Albaiteroak badauka, nonbait,
hemen laguntzeko grina;
letxeroak zer esango zion
daukat konpreni ezina,
baina etorri zeran ezkero
hobe hasiko bazina;
ba al dakizu nola sendatu
nere hagineko mina? (bis)
Telleria:
Ez dakit letxe txarrean hartu
edo umore onean,
letxero edo artzaia norbait
dabil adarraren planean;
etortzeko, ta haineko mina
dula ta, aldamenean;
dentistarena emango zaitut
beruntza nihoanean. (bis)
Sorozabal:
Atzo gauean ohartu nintzan
nere ardiak jetzita,
oherakoan hagin aldean
mina neukala hasita...
Orain ezetza eman behar dizut,
zure plana ikusita;
hemendik ez naiz inora joango
ardiak hemen utzita. (bis)
Telleria:
Eoskor honi inbentoren bat
beharko diot kontatu,
ardiak utzi ta kalerantza
ezin badet apartatu;
igo sapaira ta lasto-liztaz
hagin zaharra amarratu.
Itxi begiak! Itxi ukabilak!
Zulotik behera saltatu. (bis)
Sorozabal:
Honek ederki kobratu ezkero
besteena bost inporta,
hala moduzko plana jarri dit
erdi eroa dago-ta;
barkatu, baina ez naiz hasiko
teilatutikan saltoka;
honek haginik ez dit kenduko
ta borda lurrera bota. (bis)