Bertsos - View details To know more about this section
1995-01-01 Ordizia Jaialdia [Bertsoa] / Mikel Mendizabal, Anjel Mari Peñagarikano
| Bertsoa entzun |
1995-01-01 Ordizia Jaialdia [Bertsoa] / Mikel Mendizabal, Anjel Mari Peñagarikano
Stanza name:
KOPLEN MULTZOA
Localization:
XDZ - Xenpelar Dokumentazio Zentroa
Mendizabal:
Hil baten oroitzapeni
zerbait nahi zaie eskeini,
oroitarri bat bukatu dezu
bere soin da mami.
Lagun bixkia nauzu ni,
Tomas begira ipini,
haren trazarik hartze al diozu
harri puska honi? (bis)
Peñagarikano:
Zintzel da mailuz egina,
zein irudi atsegina!
Nik pentsatzen det izan leikela
beretzako dina.
Ez zait atera ziztrina,
ez eta ere berdina,
zu ez zinaden hain geldi egongo
igoala bazina. (bis)
Mendizabal:
Aspaldi zinan hasia,
ta buka dezu guzia,
azkenik hemen ipini nauzu
lurrari itsatsia.
Hauxe da obra bitxia,
antza ere berezia,
antza badaukat baina falta zait
harek zun grazia. (bis)
Peñagarikano:
Ez da izan bat'e errez,
ez zait atera aldrebes,
hutsegiterik eduki badet
barkatu mesedez;
munduan halabeharrez,
bizi izan zan negarrez,
hark aina grazi ez dezu izango,
sufritu ere ez. (bis)
Mendizabal:
Zortzi tonedalarekin,
lanari zenion ekin,
jardin batean zutik ta tente
jarri nau behinepehin;
hainbat opari ezberdin,
jasoko ditut nerekin,
neska gazteak loreak eta
txakurrak pixa egin. (bis)
Peñagarikano:
Irudia herriko plazan,
ipini behar dan trazan,
dirutan ere zenbat kosta dan
beharko da esan:
lau milioi diodan gisan,
gutxigo ezin zen izan...
Mitxelenana ein izan banu
zenbat kostako zan! (bis)
Mendizabal:
Diru kontua gainera,
bota didazu sobera,
nik horren kulpik ez daukat eta
kontuak atera.
Hain diruzale al zera?
horrek jarri nau minbera,
balioa ez da hemen izaten
buelon arabera. (bis)