Bertsos - View details To know more about this section
1965-01-01 Donostia Txapelketa [Bertsoa] / Jose Joakin Mitxelena
1965-01-01 Donostia Txapelketa [Bertsoa] / Jose Joakin Mitxelena
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Nere emazte gaixoa il zan,
sekulan etzait aztutzen,
egunez-egun bizi-modua
nola dijuan laztutzen.
len bost peztakin pasatzen eta
oraiñ amar gastatutzen,
orduan merke bizi giñan da
elkar gendun jostatutzen,
nere andrea il zen ezkero,
ezertxok ez nau poztutzen.
Nere emazte il zaidan eta
ez nago beraz azturik,
gela batean ortxen daduzkat
beraren gauzak loturik,
sekulan etzait faltatzen
aren oraziyozko bururik,
ez da munduan zorion ori
partuko duan dirurik,
gure Jainkuak jarri gaitzala
berriz alkarganaturik.