2005-10-15 Idiazabal Txapelketa [Bertsoa] / Etxahun Lekue, Asier Otamendi

Elkarrekin parrandan zabiltzaten bi lagun zarete. Etxahun piropoka hasten da ondotik norbait pasatzen den bakoitzean. Zu Asier, non sartu ez dakizula zaude.

Description

Melody

Kantatzera nijoa

Stanza name

Zortziko txikia (hg) / Lau puntuko txikia (ip)

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2005-10-15 Idiazabal Txapelketa [Bertsoa] / Etxahun Lekue, Asier Otamendi

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

A. Otamendi:
Neskari piropoka
zure ahalegina
aizu tia buena
ez al da gordina?
Hori ondo legoke
laguntxo jakina
baldin jubilatuak
izan ez bagina. (bis)

E. Lekue:
Berdin zait neska zaharra
edo den galanta
artez jarri ta benga
erakutsi planta!
Igual bertso txiki bat
belarrira kanta
ehunetik bakarren bat
beti jausten da-ta. (bis)

A. Otamendi:
Beraz bertso kontua
daukazu buruan
baina neska gazterik
ez da inguruan;
bakarrikan ibili
ginan gu lehenguan
kopla bat bota eta
poto egin zenduan. (bis)

E. Lekue:
Bertsotan aritzen naiz
baneki bezela
beste truko bat bila
behar dut bestela.
Jakin potoarena
truko ona dela
euren irribarrea
lortzen dut horrela. (bis)

A. Otamendi:
Zuk ezin izkutatu
zure ahalegina
neskatxa ikusita
laster maitemina
burutik nahastuta
zabiltza jakina:
irribarre ta parra
ez da gauz berdina. (bis)

E. Lekue:
Euren atentzioa
hola lortzen dut nik
gero zer einak daude
ez da zer esanik;
polit hori hemendik
polit hori handik
Asier begiratu ta
ikasi ningandik. (bis)

A. Otamendi:
Ez dut ezer ikasi
garbi diot hara
barka ezazu baina
zu Tom Cruise ez zara;
nesketako garaia
pasa zaigu jada
guk joan beharko dugu
argi gorritara. (bis)

E. Lekue:
Orain arte ere joango
zinen zu tarteka
nik gero izango dut
hortarako beta
baina eten behar dut
gure berriketa
bitartean lau aukera
galdu ditut eta. (bis)

BDB Bertsolaritzaren datu-basea

Bertsos - View details To know more about this section