Bertsos - View details To know more about this section
2005-10-16 Zornotza Txapelketa [Bertsoa] / Jon Martin
| Bertsoa entzun |
2005-10-16 Zornotza Txapelketa [Bertsoa] / Jon Martin
Stanza name:
Neurri berezikoak
Localization:
XDZ - Xenpelar Dokumentazio Zentroa
Nere alaba edukitzea
pentsatu nuen aurrena
baina hobeto pentsatu eta
abandonatu hurrena
aitarik gabe hezi beharrak
ematen baitzidan pena
eta gainera nirekin neukan
alkoholismoan problema.
Berandu baina orain piztu zait
amatasunaren sena
alaban bila abiatu naiz
Euskal Herrian barrena
orain eman nahi diodalako
orduan ezin nuena.
Nere barruak altxa ezin dun
karga haundia darama
nere alaba ikusi eta
arindu nahi nuke zama.
Bilboko kale ilun batean
bera ikusteko plana
egin nuen ta zalantzarekin
etorri naiz beregana;
ate bakarrak bereizten ditu
oraina ta iragana
txirrina jota ateratzean
nere alaba laztana
nola arraio esango diot
ni naizela bere ama! (bis)
Seguruenik hark ezingo du
ni hala naiz ta sinetsi
baina azkenik ebidentzia
hortara beharko du etsi
ezin nau baina nik nahiko nukeen
modu berean miretsi
txiki-txikia zen une hartan
bainun nigandik berezi;
atea eta bere bihotza
bihurtuko zaizkit hesi
zer egingo dut barkamenera
ez badu bihotza hezi
ondo pentsatzen jarri ezkero
ez dut batere merezi.