Bertsos - View details To know more about this section
2005-11-26 Urretxu Txapelketa [Bertsoa] / Jon Martin
| Bertsoa entzun |
2005-11-26 Urretxu Txapelketa [Bertsoa] / Jon Martin
Stanza name:
Neurri berezikoak
Localization:
XDZ - Xenpelar Dokumentazio Zentroa
Maiz ureztatu ezean
ximeltzen denez lorea
biok ura emateko
hartu gendun adorea
azkenaldian ordea
txartu zaigu umorea
ta loreak ere galdu
du lehengo kolorea; (bis)
orain ezin dut gozatu
garai bateko doblea
buelta erdi eman eta
izara artean gordea;
hainbat orgasmo izan dut
gaurko honetxek ordea
ezinbestean hartu du
amaiera zaporea. (bis)
Lehen zoriontsu ginen
berriz ez gara sortuko
orain artean ezin zen
orain ez dugu lortuko;
alperrik mila aholku
mila esaldi ta truko
gure maitasuna ez da
lehengo bidean sartuko. (bis)
Garai bateko ametsei
egin beharko zaie uko
buelta erdi eman arte
loak ez gaitu hartuko
egunsentia helduko
da guk lo hartu orduko
baina egunsentiak ez du
egoera konponduko. (bis)
Denbora izaten baita
ilusioen lapurra
denbora beti izan da
gaiztoa eta maltzurra;
jadanik ez da arroxa
koloreko gure lurra
gailenduko da engainua
ta gailendu da gezurra. (bis)
Zergatik ote diogu
bukaerari beldurra
nik eman beharko diot
gaur bien partez egurra;
bihar goizez jeikitzean
batu adore apurra
batera hartuko dugu
kafesnea ta agurra. (bis)