Bertsos - View details To know more about this section
1967-06-11 Donostia Txapelketa [Bertsoa] / Fernando Aire "Xalbador"
1967-06-11 Donostia Txapelketa [Bertsoa] / Fernando Aire "Xalbador"
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Euskalerritik Erroma aldera
ni abiatu bearra,
denek dakigu, an omen dago
zubi aundi bat ederra;
dena su-itxurazkoa da,
iduzkia eta garra,
benetan deitzen diote orri
Erromako ortzadarra.
Ez det ikusi, bainan zubia
ez omen dala txikia
entzun izan dut, eta buruan
betiko det atxikia;
ortarako jarri zare zu,
or daukazu aitzakia,
mundu guzira zabal zaguzu
or daukazun iduzkia.
Egun on batez nik ikusi dut
ortzadarraren itxura,
zoratu ninduen benetan,
ederra zen une ura;
ortzadar ori Yainkoak jarri
bere gustuko lekura,
ortikan zabal zadien gero
denen argitzat mundura.