Bertsos - View details To know more about this section
1967-06-11 Donostia Txapelketa [Bertsoa] / Migel Arozamena
1967-06-11 Donostia Txapelketa [Bertsoa] / Migel Arozamena
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Gaur dan euneko zenbait gizonek
nola naute ni arritzen!
testigu falsuz gauza askotan
onela gera ibiltzen;
gezurrarekin etorri ziñan
t'ementxen gaude sufritzen,
Jaungoikuaren dotrin santuak
ez digu ori agintzen.
Egik bezela esaten ditu
guztizko borondatian,
bere burua santutzaz jarri
eta, gezurrak tartian;
gaur zoritxarrez bizi gerade
orrelako suertian,
bizi-modu onik ez daukagu
zu bizi zeran artian.
Aizu, palsua, gezurrak beñe
munduan ez du indarrik,
zu ezpaziña guk ez genduke
gure etxian okerrik;
aldegin zazu orain bistatik,
ez degu zure biarrik,
falsokeriyan etzazit jarri
Euskalerriyan negarrik.