Bertsos - View details To know more about this section
1991-09-22 Ahetze Jaialdia [Bertsoa] / Joxe Miel Iztueta "Lazkao Txiki", Jon Lopategi
| Bertsoa entzun |
1991-09-22 Ahetze Jaialdia [Bertsoa] / Joxe Miel Iztueta "Lazkao Txiki", Jon Lopategi
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Lopategi
Aberats eta txapeldun jauna
bizitzan badaukat sona,
eta Herriak ez lezake ahantzi
portatu zaion gizona,
han eta hemen zabaltzen ditut
arrazoi, txiste ta broma,
apainduritan jaso nahi nuke
Herriaren esker ona.
Lazkao-Txiki
Hilerrietan lore politak
begientzako ona da,
zoritxarrean mundu hontako
irudipena hola da,
baina nik nahiago det ez izan
hilerrian hainbat lora,
hoiek ez dote deusik esan nahi
anima salbatzen bada.
Lopategi
Nik ere anima salba nezake
hori ez dugu arraro,
Herri honetan limosna onak
eman baiditut oparo,
lore egarriz nago ni orain,
hau belarrez nahian dago,
ezezaguna dugu bizitzan,
gero ezezagunago.
Lazkao-Txiki
Mattin haundia hemengoa zan
beti jokatu zan prestu,
diru guttiko gizona zan ta
beti bizi izana estu,
orain zeruan Jainkoak dauka
harturikan bere esku,
berez apala izan zan hark
lore beharrikan ez du.
Lopategi
Haren bizitza eta zurea
badijoaz nahiko merke,
nik zorionez izan bainuen
jaiotzetik nahiko suerte,
Mattin txikia bertso kantuan
pozik altxatuko nuke,
baina Mattintto baino Mitterrand
gehiagok ezautzen dute.
Lazkao-Txiki
Mitterrand degu Frantzi aldean
egun askotan entzuna,
eta badakit zuri´re egun
hori gustatzen zaizuna,
baina nik beti maitatu nuen
hemengo Mattin laguna,
mundu honetan finitzen baita
hemengo aberastasuna.