Bertsos - View details   To know more about this section

1989-07-14 Iruñea Jaialdia [Bertsoa] / Joxe Fermin Argiñarena, Jon Azpillaga, Joxe Mari Mujika "Anatx"

Bertsoa entzun  

General information

Kategoria
Bat-batekoa
Performance
1989-07-14 Iruñea Jaialdia
Conductor
Aristorena, Pablo Joxe
Bertsolaris / Authors
Argiñarena, Joxe Fermin
Azpillaga, Jon
Mujika, Joxe Mari "Anatx"
Exercise
Hirunaka gaia-emanda
Proposed topic
San Ferminetako festa giroan hiriko hiru ordezkarien eritziak jakin asmoz, J. F. Argiñarena, alkateari, Jon Azpillaga, obispoari eta Anatx, herriko gazte bati galdetu zien gai-jartzaileak ea nola pasatzen zituzten festak eta nolakoak nahiko zituzketen.

Description

Melody
Uso zuri bat inguratu zait A
Stanza name
Zortziko handia (hg) / Lau puntuko handia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

1989-07-14 Iruñea Jaialdia [Bertsoa] / Joxe Fermin Argiñarena, Jon Azpillaga, Joxe Mari Mujika "Anatx"

Stanza name:  Zortziko handia (hg) / Lau puntuko handia (ip) 
Localization:  XDZ - Xenpelar Dokumentazio Zentroa 


J.F. Argiñarena
Mozoa eta Apaizpikua
hurbildu zaizkit ondora,
San Ferminetan nola gabiltzan
agertutzeko gerora,
alkate naiz ta aspaldi hontan
nabil Iekien* modura,
jan eta edan ta beti festan
Iruñatarren kontura.
J. Azpillaga
Guk berdin samar pasatu degu
Obispo, fraile ta abade,
andre ta gizon neska ta mutil
bazen nahiko nobedade,
juerga kontuan alkate jauna
zu ere berdina zerade,
dibertitzea ongi da baina
narrazkeririk e(g)in gabe.
Anatx
Behin behar eta apezpikuak
hitzegin du distiratsu,
ta neri ere kontu batzuek
esan behar dizkidazu,
guk badakigu beste munduko
txartel emale zera zu,
entzierroan hil ninteke ta
arren konfesa nazazu.
J.F. Argiñarena
Inork ez dauka gaur alkateak
daukan hainbeste indarrik,
neu naiz hemengo agintaria
ez dago beste izarrik,
apaizpikua(r)i begiratuta
ez dauka itxura txarrik,
holako gorputza ez da luzitzen
errezua(re)kin bakarrik.
J. Azpillaga
Dibertsiuen beharra dauka
neska ta mutil gaztiak,
zarragoak e(re) ikusi ditut
goizean bapo bustiak,
penagarri zan Kastillo plazan
panorama ikustiak,
alkate jauna mozkortzen bada
zer e(g)ingo dure bestiak?
Anatx
Apezpikuak ikusi du ta
gelditu zaigu tristerik,
errespetua jartzen du baina
badauka diru eskerik,
alkateak e(re) ez du egiten
goitik agindu besterik,
hemen mozorik ez balegoke
Iruñan ez zan festarik.
J.F. Argiñarena
Alkatea erdi mozkortuta
dabilela iruditzen,
nere kontura Apaizpikuak
hori bait du gainditzen,
alkate jauna zu bezelaxe
sarri ohi da egarritzen,
ni mozkortuta ikusita (e)re
inor ez bait da harritzen.
J. Azpillaga
Periodikua eskuan eta
gora jasorik besuak,
zezen aurrean behar bezin azkar
ez dira ematen pausuak,
hala ere ondo ibiltzen dira
gazte eta gurasuak,
eskerrak denak salbatzen ditun
Obispuan errezuak.
Anatx
Obispuaren errezu horrek
salbaziua emana,
danentzat bada egun hauetan
izango zenduan lana,
hara entzule bada gauza bat
gaizki ikusten dedana,
gazteak gabiltz, lanean eta
alkatearentzat fama.