Bertsos - View details To know more about this section
2007-09-29 Usurbil Txapelketa [Bertsoa] / Arkaitz Oiartzabal "Xamoa"
2007-09-29 Usurbil Txapelketa [Bertsoa] / Arkaitz Oiartzabal "Xamoa"
Stanza name:
Hamabiko handia (hg) / Sei puntuko handia (ip)
Localization:
XDZ - Xenpelar Dokumentazio Zentroa
Norbait atzetik sentitu izan dut
behintzat tarteka-tarteka
ta sentsazio hori izatea
ez dugunez berriketa
ez dakit ziur norbait dagoen
kale kantoian gordeta;
egia esan orain artean
ez diot jarri arreta
baina hemendik hanka egin behar dut
eta beldurrez beteta
norbait atzetik sentitze hutsa
beldurtzekoa da eta. (bis)
Eta pertsonak ezin du bizi
inoiz beldurraren mende
eta nik dauden beldur guztiak
egin ditudanez neure
ispilu aurrean jarritakoan
pentsatu dut alafede:
"Nahiz familiak eta lagunek
egin didaten mesede
herritik hanka egin beharko dut
hori har dezadan xede
fidatu ezinik nabilelako
neure buruakin ere!".
Eta horrela alde egiteko
momentua iritsi da
aldegin behar dut eta gainera
ahal den bezain urrutira.
Kalean zehar bi buelta eman
iristeko geltokira
ta hirugarren kalerako edo
han geratu naiz begira;
txakur txiki bat daukat azpitik
txakurtxo txiki bat tira
baina haundiak seguruenik
gertu ibiliko dira.