Bertsos - View details To know more about this section
1989-12-17 Donostia Txapelketa 11:30 [Bertsoa] / Andoni Egaña
| Bertsoa entzun |
1989-12-17 Donostia Txapelketa 11:30 [Bertsoa] / Andoni Egaña
Stanza name:
Neurri luzekoak
Localization:
XDZ - Xenpelar Dokumentazio Zentroa
Garai batean mendi puntetan
egiten nun hegan lasai,
zoritxarreko eskopeta bat
han zegon noiz jetxiko zai,
bide ertzean aurkitu ninun
neronen odoletan blai,
pitin bat sentitzeko gai
nola genuen nolanahi, (bis)
nik uste nuen pertsona denak
genitula gure etsai,
gizon gaiztoak badira baina
jator askoak ere bai. (bis)
Pentsatzen nuen «bide ertzean
geldituko naiz hilotza»,
hego azpitan odol gorria
mokoan zerbait berdotza,
eta gainera une haietan
nagusitu zen izotza,
hura dardara ta hotza,
txori gaixoen rnorrontza, (bis)
gizon jator bat errukitu zan
laguntzeko ez zen lotsa,
beste guztiek behar dezute
gizon horrek dun bihotza. (bis)
Bere etxean eduki ninun
pixkat sendatzen jardunik,
bihotz gabeak ez du hartuko
holako eginkizunik,
munduan ez da falta pertsona
aldrebes eta lizunik,
lehen(ag)o ez neukan kemenik,
ta orain nago lerdenik, (bis)
pertsona horri inortxok eman
ez zion honen ordenik,
hutsaren truke egin zendunez
asko maitatzen zaitut nik. (bis)