Biographies - View details To know more about this section
Ane Labaka Mayoz
Personal details
- Name
- Labaka Mayoz, Ane
- Birth
- 1992 Lasarte-Oria + Lasarte-Oria < Buruntzaldea < Gipuzkoa < Basque Country
Bertsolarism
- Main specialization
- Bertsolaria
Biographical details
- Biography
- Sormen eremu ugari lantzen dituen arren, bertsolaria eta idazlea da, batik bat. Lau emakumez osatutako Txakur Gorria Sormen Kolektiboko kidea da, eta idatzizko hainbat hedabidetako kolaboratzailea.
Gasteizen Euskal Ikasketak burutu ondoren, Gizarte Antropologiako Masterra eta Ikasketa Feministak eta Generokoak izenekoa egin zituen, hurrenez hurren, Donostian eta Leioan. Hainbat ikerketa ondu ditu bertsolaritza eta genero-ikuspegia uztartuz, batez ere umorearen inguruan ardaztutakoak. Bertsolaritza feminismotik (bir)pentsatzen (UEU) liburua koordinatu zuen 2019an Miren Artetxerekin batera eta 2021ean Algara mutilatuak (Lisipe, Susa) saiakera argitaratu zuen.
Ezpainetakoa (Erein) album ilustratua eta haurrentzako Totototo (Elkar) ere idatzi ditu, besteak beste, eta "Erradikalak gara" eta "Erradikalak ginen" ikuskizunen sortzailea ere izan zen, Beatriz Egizabalekin batera.
14 urte inguru zituela hasi zen bertsotan eta ordutik plazaz plaza dihardu. 2019ko Gipuzkoako Bertsolari Txapelketan finalista izan zen.