A. Arzallus:
Urte berriak jarri baikaitu
lege berrien menean
nik nola esan? Lasaitasun bat
sentitzen dut barrenean
ez dut erretzen beraz berdin zen
lehengo urtean zenean
baina aurten pozik eseritzen naiz
Unairen aldamenean.
U. Iturriaga:
Niretzat berriz da kriston pena
putada eta tamala
demokrata naiz sortzetik baina
ta onartuko dut hala.
Lehen aipatu dut errepublika
bat hemen sortu behar zala
ta azkenerako atera zaigu
apur bat diktatoriala.
I. Zubeldia:
Lege berria jarri digute
baina ez dakit zertako.
Beraz akabo afalosteko
hamaika Farias bapo!
Politikoek jarri dituzte
beste behin oztopo pranko
ezin da erre erre beharrekok
erretzen ez direlako.
A. Azpiroz:
Erretzailea ez degu Azpi
daukat onartu beharra
baina etxean beti usaiakin
jertsia eta txamarra
tabernan beti eztula eta
ondokuaren marmarra.
Pixkat pentsatuz neretzat ez da
lege hau hortaino txarra.
I. Elortza:
Nahiz ta parrandan neuk ere erre
zigarroa eta zera
onartu behar heldu direnez
guztiak debekatzera.
Kalean kea baino ez dabil
orain ertzetik ertzera
ta aretotara etortzen gara
arnasa lasai hartzera.
U. Agirre:
Taberna eta tabladuetan
arindu dira arratsak
bertsolarien artean nonbait
honek piztu ditu saltsak.
Ai Zubeldia Zegamakuak
pasa behar ditu latzak!
Ta Iturriagak jango dizkigu
azkazalak ta behatzak!
Hil 2016-09-28
Hil 1939-09-28
Gaztetan Orfeon Donostiarran bakarlaria izan zen eta hiriz hiri ibili zen kantari. Hura utzi eta Eusko Abesbatza sortu zuen beste lagun batzuekin. 1915ean fraile ikasketak egiten hasi zen Arantzazun. Ez zen fraile egin. Aurrezki Kutxa Probintzialean jarri zen lanean.
1919an soldadutza egitera joan zen eta permiso bat baliatu, soldadu jantziak kentzeko astirik gabe, mitinera joan zen 1920ko maiatzaren aurrenekoan lagun batekin. Han baten batek begiz jo eta salatu zuen. Afrikara mobilizatu zituzten soldaduen artean egon zen eta orduan hasi zen bere lehen olerkiak argitaratzen. Handik bueltan kirol eta kulturan saiatu zen. Maria Darras villabonatarrarekin ezkondu zen 1924ean eta lau seme-alaba izan zituzten.
Euskaltzaleak Elkarteko partaide eraginkorra izan zen (1930-1936). El Pueblo Vasco egunkariko euskal atala zuzendu zuen, eta Eusko Abesbatza orfeoiaren sortzailea izan zen. Hainbat aldizkarietan kolaboratzaile.
Berrogeita hiru urtekin Eusko Gudarostean sartu zen, Intxarkundia bataloian. Gaiso erori eta Gernikara eraman zuten, handik Lapurdira, Eusko Jaurlaritzak postarako erabiltzen zuen hegazkinean. Bere paperak ongi antolatuta Belokeko artxibategian egon ziren, gero bere seme Iñakik eskuratu zituen. Eusko Jaurlaritzak euskaraz, gaztelaniaz eta frantsesez Parisen argitaratzen zuen Euzko Deyan argitaratu zituen "Bertso Miñez" izeneko kronikak 1939-02-05etaik 1939-09-10 arte.
Euskararen normalkuntzaren aldeko ekimenak bultzatu zituen. 1930-36 bitartean aritu zen euskaltzale errenazentisten mugimenduko partaide eta eragile izan zen. Bertsolaritza, herri xeheak maite zuena, prestijiatu eta bultzatu nahi izan zuen: asmo honetan lekutu behar dira 1935 eta 1936ko Bertso guduak eta bertsolaritzarekiko orduko intelektualen ikuspegia aldatzeko egin zituen ahaleginak.
Iturria:
- Haitzondo egitasmoa, Bertsozale Elkartea
- Bidegileak bilduma: http://www.euskomedia.org/PDFAnlt/bidegileak/236_zubimendi.pdf
Ikus ZAZPI EUSKALERRIEK I, kantu honi dagokion Errepika 4ko txikien sailean. G.Dufau jaunaren harmonizazioarekin dator Gure Herrian.
