Bertsos - Ver ficha Más información sobre esta sección
2005-12-06 Orio Jaialdia [Bertsoa] / Amets Arzallus
| Bertsoa entzun |
2005-12-06 Orio Jaialdia [Bertsoa] / Amets Arzallus
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
Hiru bertsotan gai hau azaltzen
ez da izango hain sinple
Paris aldeko bazter auzotan
zenbat leku satelite!
Nere begiez bakarren batzuk
ikusiak dauzkat nik'e.
Ene Frantzia omen zinela
liberte ta egalite...
Hori guztia gezur bat dela
gazte hoiek badakite.
Ene Frantzia aurrerakoia
garbia ta demokrata?
Barne ministro Sarkozy jauna
nahiko pertsona non grata.
Gazte horiei "zaborra" deituz
prentsan eman digu lata.
Gizonak jakin beharko luke
txorakeriak lagata
sua ez dela inoiz itzaltzen
egur gehiago botata.
Neroni ere hori ikusteak
sortzen dit kristoren pena;
bazter auzotan galdua dago
bizitza itxaropena:
eskolarik ez, lanik apenas
bide itsua da dena.
Guk geuk ikasi beharko dugu
hori izango da onena
gure herrian ez gertatzeko
Parisen gertatu dena.