BDB Bertsolaritzaren datu-basea

Información general

Kategoria

Bat-batekoa

Actuación

2007-09-01 Donostia Jaialdia

Gai-emailea

Elizasu, Unai

Bertsolaris / Autores

Lazkano, Imanol

Lujanbio, Maialen

Ejercicio

Binaka gaia-emanda

Tema propuesto

Imanol aita eta alaba Maialen. Gauza berezia gertatu da zuen etxean, beste etxeetan gertatzen ez den bezala: aitak zahar etxera joan nahi du, eta alabak ez du ulertzen zergatik joan nahi duen.

Descripción

Melodia

Zeru altuan zegoen Jaunak

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2007-09-01 Donostia Jaialdia [Bertsoa] / Imanol Lazkano, Maialen Lujanbio

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

M. Lujanbio: Horretan ere ezin ba izan
zuk beste guztik bezala!
Lehendik banekin kapritxosoa
ta berezia zinala.
Etxean horren ondo zaudela
alde ein nahi dezu aibala!
Uste al dezu zahar etxe hori
Maria Cristina dala?

I. Lazkano: Nik iritzi hau daukadalako
aita ez zazu gorrota
ez zazu pentsa familirako
izango denik porrota.
Eta zergatik egiten dedan
orain behar dizut konta:
zahar etxera pozikan nua
etxian sobre nago ta.

M. Lujanbio: Behin baten hori okurritu ta
ideari segitua;
etxean sobran zaudela... nola?
Zuk daukazu delitua!
Zure aldeko hainbeste lanez
dedan ezin kabitua
baina etxekoen lana ikusten ez
ta kanpoan meritua.

I. Lazkano: Nik hori esan dizudalako
ez zaitez jarri malkotan
egia esan hoiek neronek
bota baititut askotan;
andrea sarri kafetegian
eta alaba bertsotan...
Zahar etxean hobetogo naiz
horrela bizitzekotan.

M. Lujanbio: Gauzak horrela dabilzkigula
pasa da nahiko denbora
igual egia, denbora luzez
ez noa zure ondora.
Gaurkuan behar det Donostiara
kantura, gero Bilbora;
aita nerekin hartu ezkero
igual piztu egingo da.

I. Lazkano: Sendi maitale izandua naiz
nere bizitza osuan
bainan oraingoz hain triste nago
hartu dedan frakasuan;
etxian dira nahikoa otso
nahiz aingeruak auzuan
gaurko egunean haur ta aitonak
beti gaude enbazuan.