Bertsos - Ver ficha Más información sobre esta sección
1998-09-11 Donostia Jaialdia [Bertsoa] / Jexux Mari Irazu Muñoa, Jokin Sorozabal
| Bertsoa entzun |
1998-09-11 Donostia Jaialdia [Bertsoa] / Jexux Mari Irazu Muñoa, Jokin Sorozabal
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Irazu:
Pate goxoak ta ganba batzuk
ez genitun apartian;
esparrago ta urdaiazpiko
ez zan guretzat kaltian;
gero xapua eta txuleta,
oain gaude tripa betian;
borondatea utzi behar da
ondo jandako tokian.
Sorozabal:
Xapua eta txuletarekin
gelditu naiz asetuta.
Nik propinarik ez det utzi nahi,
halaxe nago ohituta;
sukaldaria pozik jartzen da
jana dena bukatuta,
nahiko propina utzi diogu
dena garbitu degu-ta!
Irazu:
Baina halare ideia ona
ez zait gero iruditu!
Barrua ondo betia degu,
ezin zait gehio kabitu.
Hogei duroren gorabeherakin
zertan hainbeste nozitu?
Pagatu berdin pagatzen dezu
ta askoz hobe gelditu.
Sorozabal:
Ni oso gutxi kezkatzen nauen
gauza da ba imajina;
eta propina utzi behar hori
a ze ohitura ziztrina!
Batzuentzako propina hartzea
izan leike atsegina,
beste askok berriz aldez aurretik
kobratzen dute propina.
Irazu:
Tabernara jun ta bezeruak
hori da hori itxura!
Ez dakit nola ekarri deten
gisa hontako lekura?
Hogei duruko txanpona bota
plateratxoan barrura
eta erronda edango degu
gero tabernan kontura.
Sorozabal:
Hain esku zabal zirenik hauek
nik ez nuen ba espero,
baina oraindik propina ematen
ez naiz jarri horren bero.
Erronda hori hartu dezagun
ohitura duten ezkero
eta propina utziko diot
zer den ikusi ta gero.